Piensijaniera, jaki abražaŭ pradstaŭnikoŭ ułady, adpuskajuć ź psichijatryčnaha špitala, choć lačyć tak i nie pačali
Jak stała viadoma haziecie «Narodnaja vola», Frunzienski sud Minska admianiŭ prymusovaje lačeńnie 80-hadovaha piensijaniera. 3 krasavika jon budzie ŭžo doma.
U krasaviku 2016 hoda sud pastanaviŭ, što piensijanier abražaŭ pradstaŭnikoŭ ułady i pryniaŭ rašeńnie ŭžyć u dačynieńni da jaho «prymusovyja miery biaśpieki i lačeńnia».
14 listapada piensijaniera nakiravali ŭ psichijatryčny špital, dzie jon znachodziŭsia ŭvieś hety čas biez anijakaha lačeńnia, ale pad nahladam daktaroŭ. Paśla taho jak uračebna-kansultacyjnaja kamisija Respublikanskaha navukova-praktyčnaha centra psichičnaha zdaroŭja pryniała rašeńnie, što źnikła nieabchodnaść dalejšaha ŭtrymańnia piensijaniera ŭ balnicy, sud heta taksama padtrymaŭ. Sudovaje rašeńnie ŭstupić u siłu 3 krasavika.