Tramp: Sustrečy Tylersana ŭ Maskvie skončylisia lepš, čym čakałasia
Vizit dziaržsakratara ZŠA Reksa Tylersana ŭ Rasiju prajšoŭ lepš, čym čakałasia, zajaviŭ amierykanski prezident Donald Tramp padčas sumiesnaj pres-kanfierencyi z hienieralnym sakratarom NATA Jensam Stałtenbierham.
«Usio prajšło davoli dobra. Moža, navat lepš, čym čakałasia», - zajaviŭ Tramp. Jon dadaŭ, što ciapier ZŠA i Rasija «zusim nie ładziać» adzin z adnym. «Što tyčycca stasunkaŭ z Rasijaj, to my, napeŭna, znachodzimsia na histaryčnym minimumie ŭ hetych adnosinach», - skazaŭ prezident ZŠA.
«Pucin — lidar Rasii. Rasija — mocnaja kraina. My — vielmi-vielmi mocnaja kraina», — zajaviŭ Tramp. Treba pačakać, kab zrazumieć, jak składziecca supracoŭnictva z Maskvoj, dadaŭ jon.
Taksama Tramp čarhovy raz vykazaŭsia z nahody padziej u Siryi. Jak zajaviŭ prezident ZŠA, jon nie chacieŭ by dumać, što Rasija zahadzia viedała ab chimičnaj atacy ŭ Siryi.