«Załatuju palmu» Kanskaha kinafiestyvalu vyjhraŭ šviedski film «Kvadrat»
«Załatuju palmu» Kanskaha kinafiestyvalu atrymaŭ film «Kvadrat» švieda Rubiena Estłunda.
Hałoŭny hieroj «Kvadrata» — Kryścijan, kuratar muzieja, u jakoha chtości kradzie telefon i kašalok. Jon vysočvaje svoj ułasny telefon praz dadatak i adpraŭlajecca ŭ adzin ź biednych rajonaŭ Stakholma ŭ sprobie viarnuć svaju ŭłasnaść.
«Ździeklivaja mastactvaznaŭčaja satyra na temu sučasnaha mastactva i marnaść ludskich spadziavańniaŭ adzin na adnaho. Vielmi aktualna i daścipna», — napisała ŭ karotkaj recenii meduza.io.
Hran-pry dastaŭsia «120 udaraŭ u chvilinu» francuzskaha režysiora Rabiena Kampijo. Pryz žury — u «Nielubovi» rasijanina Andreja Źviahincava.
Najlepšym režysioram pryznana Safija Kopała, najlepšyja akciory: Dyjana Kruhier i Chaakin Fieniks. Nikol Kidman atrymała śpiecyjalny pryz jubilejnaj 70-j cyrymonii.
Siarod 19 zajaŭlenych filmaŭ u Kanach była «Łahodnaja» Siarhieja Łaźnicy.