Šapira i Astaševič stali vice-prezidentami NAKa, Cichan, Šaŭcoŭ, Rumas uvajšli ŭ vykankam
Ciońnia na Alimpijskim schodzie prezident Biełarusi Alaksandr Łukašenka byŭ pieraabrany kiraŭnikom NAK.
Pieršym vice-prezidentam NAK abrany zasłužany majstar sportu Andrej Astaševič. Vice-prezidentami NAK stali rektar Biełaruskaha dziaržaŭnaha univiersiteta fizičnaj kultury, namieśnik staršyni Biełaruskaj fiederacyi handboła Siarhiej Repkin, staršynia FCHB Siamion Šapira.
U skład novaha vykankama NAK taksama ŭvajšli Dźmitryj Baskaŭ, Valancin Baravok, Dźmitryj Pinievič, Siarhiej Rumas, Ivan Cichan, Luboŭ Čarkašyna, Juryj Šaŭcoŭ, Aleh Šepiel, Anton Juspa.
Udzielniki Alimpijskaha schodu vybrali ŭ hanarovyja členy Nacyjanalnaha alimpijskaha kamiteta viadomych u minułym spartsmienaŭ: trochrazovaha alimpijskaha čempijona pa volnaj baraćbie Alaksandra Miadźviedzia, alimpijskich čempijonaŭ pa kidańni dyska Elinu Źvieravu i fiechtavalščyka Alaksandra Ramańkova.