Pad Białyničami aŭtamabil pierakuliŭsia ŭ kiuviet: hałava kiroŭcy apynułasia pad vadoj, jon zahinuŭ
Śmiarotnaja avaryja adbyłasia 4 červienia, kala 17.30, u vioscy Zabałoćcie Białynickaha rajona.
Pavodle papiaredniaj infarmacyi, 56-hadovy kiroŭca Hyundai Santa Fe nie spraviŭsia z kiravańniem i źjechaŭ u levy pa chodzie ruchu zality vadoj kiuviet, dzie aŭtamabil pierakuliŭsia.
U vyniku DTZ kiroŭca pamior na miescy zdareńnia. Pry dastavańni cieła mužčyny z sałona aŭtamabila jaho hałava była całkam pahružana ŭ vadu. Pryčyna śmierci vyśviatlajecca.