U Rasii ŭzarvali vyšku vyšynioj sa 100-paviarchovy dom VIDEA
U Kastramskoj vobłaści Rasii źnieśli niedabudavanuju zakinutuju televyšku A-330, vyšynia jakoj składała amal 350 mietraŭ. Pra heta paviedamlaje LifeKostroma.
Dla padryvu ŭžyli zarad z kumulatyŭnym efiektam, jaki ŭzmacniaje dziejańnie vybuchu šlacham jaho kancentracyi ŭ zadadzienym kirunku. Zarady zakłali ŭ asnovie i pad adnoj z raściažak vyški.
Mahutnaść kožnaha z zaradaŭ składała ad trochsot da čatyrochsot hramaŭ u traciłavym ekvivalencie. Paśla vybuchu mačta televyški ŭpała ŭ śpiecyjalna padrychtavanuju dla hetaha prasieku. Na čas padryvu terytoryju televyški ačapili ŭ metach biaśpieki.
Televyšku A-330 pabudavali ŭ 1992 hodzie, adnak prajekt zamarozili z-za spynieńnia finansavańnia. Zakinutaja vyška była miascovaj słavutaściu dla turystaŭ i spartsmienaŭ-ekstremałaŭ. Choć kanstrukcyi nie pahražała padzieńnie, niekalki razoŭ na joj adbyvalisia trahičnyja vypadki z udziełam parašutystaŭ.