Aleksijevič udakładniła, što mieła na ŭvazie pad frazaj «kataliki buduć zabivać pravasłaŭnych»
Fraza «kataliki buduć zabivać pravasłaŭnych ci kaho zaŭhodna», ahučanaja Śviatłanaj Aleksijevič, była mietafaraj, jakuju nie varta ŭsprymać litaralna. Pra heta piśmieńnica zajaviła TUT.BY.
fota Iryny Arachoŭskaj
«Kali mnie zadali pytańnie pra Ukrainu, ja skazała, što Krym — heta, niesumnienna, akupacyja, a što tyčycca Danbasa — heta, viadoma, vajna, raźviazanaja Pucinym. Takuju vajnu možna raźviazać ŭ lubym miescy. Možna adpravić tudy tanki, paru mašyn z aŭtamatami, admarozki zaŭsiody jakija-niebudź znojducca. Heta možna razhajdać i ŭ Biełarusi, kataliki buduć vajavać z pravasłaŭnymi. Treba było mnie skazać, što i pravasłaŭnyja z katalikami, što va Ukrainie navat pravasłaŭnyja z pravasłaŭnymi [vajujuć]. Ni pra jakich katalikoŭ, ni pra jakuju vajnu ŭ Biełarusi havorki nie išło. Ja ździŭlajusia, jak jany zmahli pračytać usio heta. Heta była mietafara, nie [litaralna] pra toje, što kataliki buduć vajavać z pravasłaŭnymi», — patłumačyła Aleksijevič.
Nahadajem, 9 červienia padčas pramoj linii na telekanale «Dožd́» Aleksijevič prakamientavała situacyju na Danbasie. «Vajna — taja, jakuju pačała Rasija ŭ Danbasie, — heta na sumleńni Rasii. Tamu što takuju vajnu možna pačać i ŭ Biełarusi. Dajcie tudy tanki, dajcie tudy zbroju — tam kataliki buduć zabivać pravasłaŭnych ci kaho zaŭhodna», — skazała Aleksijevič.