Džordž Kłuni pradaŭ svoj brend tekiły za $1 miljard
U halivudskaha akciora Džordža Kłuni, jaki niadaŭna staŭ baćkam dvajniat, znoŭ jość nahoda dla śviatkavańnia. Premijalny amierykanski brend tekiły Casamigos, adnym z zasnavalnikaŭ jakoha byŭ Kłuni, nabyty brytanskim ałkaholnym hihantam Diageo za 1 młrd dalaraŭ.
Pahadnieńnie z Diageo było padpisana ŭsiaho praz paru tydniaŭ paśla taho, jak žonka akciora Amal Kłuni naradziła dvajniat - dziaŭčynku i chłopčyka.
Džordž Kłuni zasnavaŭ kampaniju Casamigos ŭ 2013 hodzie razam sa svaimi siabrami Rande Hierbieram i Majkam Miełdmanam.
Pa ich słovach, brend Casamigos (u pierakładzie ź ispanskaj — «dom siabroŭ») naradziŭsia paśla načnych siabroŭskich pasiadziełak z tekiłaj.
U Diageo zajavili pra namier zrabić Casamigos mižnarodnym brendam.