Samalot ź Biełarusi parušyŭ pavietranuju prastoru Litvy
Hramadzianski samalot «An-2» ź Biełarusi parušyŭ pavietranuju prastoru Litvy, paviedamiła ŭ čaćvier Minabarony Litvy.
Incydent adbyŭsia ŭ sieradu. Samalot znachodziŭsia ŭ pavietranaj prastory Litvy ŭ 14.03-14.07 i ŭ 14.14-14.17. Parušeńnie zafiksavana srodkami nazirańnia za pavietranaj prastoraj VPS Litvy i vizualna.
U suviazi ź niezakonnym pierasiačeńniem dziaržaŭnaj miažy Słužba achovy dziaržmiažy Litvy pačała dasudovaje rasśledavańnie.
U suviazi ź incydentam u čaćvier budzie ŭručana nota časovamu pavieranamu ŭ spravach Biełarusi ŭ Litvie, skazała BNS pres-ataše ministra zamiežnych spraŭ Rasa Jakiłajcienie.
Parušeńnie pavietranaj prastory Litvy zafiksavana ŭ hetym hodzie ŭpieršyniu. Pra incydent byŭ infarmavany kantynhient NATA, jaki ažyćciaŭlaje misiju pavietranaj palicyi. Byli sproby ŭstanavić suviaź z samalotam, ale jon byŭ biez transpondaraŭ.
U kancy krasavika pavietranuju prastoru Biełarusi parušyŭ hramadzianski samalot, što zalacieŭ ź Litvy. Lohki samalot P46T piłatavaŭ hramadzianin Danii.