Na plažy ŭ Churhadzie ŭzbrojeny nažom mužčyna napaŭ na turystaŭ
Pa mienšaj miery šeść turystaŭ byli paranienyja ŭ vyniku napadu ŭzbrojenaha nažom mužčyny na plažy ŭ jehipieckim horadzie Churhada. ŚMI pišuć pra dvuch zahinułych — hramadzian Ukrainy, paviedamlaje VVS.
Pra napad u kurortnym horadzie Churhada na Čyrvonym mory paviedamiła MUS Jehipta. Pavodle aficyjnych danych, prynamsi šeść žančyn paranienyja, niekatoryja ź ich znachodziacca ŭ krytyčnym stanie.
Ahienctva Rejter, spasyłajučysia na palicyju i krynicy ŭ słužbach biaśpieki, paviedamlaje, što ŭ vyniku napadu zahinuli dva ŭkrainskija turysty. Jašče čaćviora čałaviek paranienyja.
Napadnik zatrymany, jaho dapytvajuć, kab vyśvietlić jaho matyvy.
Pavodle danych ahienctva, napadnik pranik na turystyčny plaž, prapłyŭšy pa mory z boku hramadskaha plažu.