Tramp zajaviŭ ab niedapuščalnaści paśpiešnaha vyvadu vojskaŭ z Afhanistana
Paśpiešny vyvad amierykanskich vajskoŭcaŭ z Afhanistana moža pryvieści da ŭtvareńnia ŭ krainie «vakuumu», jaki «imhnienna zapoŭniać» bajeviki z, u tym liku, «Al-Kaidy» i «Isłamskaj dziaržavy».
Pra heta padčas svajho vystupu na bazie Majier-Chiendersan-Choł u Arlinhtanie zajaviŭ prezident ZŠA Donald Tramp, pieradaje Associated Press.
Tamu, pa słovach palityka, Złučanyja Štaty pavinny praciahvać vajnu ŭ Afhanistanie, kab paźbiehnuć «pradkazalnych i nieprymalnych» vynikaŭ chutkaha vyvadu vajskoŭcaŭ z krainy, u jakoj Vašynhton znachodzicca ŭ stanie vajny ŭžo na praciahu 16 hadoŭ. «My pavinny pryznać realnaść, pra jakuju ja tut kažu», - dadaŭ Tramp, adznačyŭšy, što, «praz amal 16 hadoŭ paśla napadaŭ 11 vieraśnia, <…> amierykancy stamilisia ad vajny bieź pieramohi».
«My bolš nie zajmajemsia pabudovaj dziaržaŭ. My zabivajem terarystaŭ», - taksama rastłumačyŭ amierykanski lidar.