Iłan Mask upieršyniu pakazaŭ skafandr dla kamiercyjnych palotaŭ u kosmas
Kiraŭnik kaśmičnaj kampanii SpaceX Iłan Mask apublikavaŭ u siabie ŭ Instagram pieršaje fota skafandra, jaki jaho kampanija raspracoŭvała razam z NASA.
Niadaŭna stała viadoma, što kampanija Maska pravodzić finalnyja vyprabavańni novaha skafandra dla prahramy kamiercyjnych palotaŭ NASA. I voś, źjaviłasia jaho pieršaje fota:
Mask napisaŭ, što heta pieršaja fatahrafija skafandra SpaceX, jakaja źjaviłasia ŭ sietcy, a jašče bolš fatahrafij źjavicca ŭ bližejšyja dni. Taksama jon adznačyŭ, što heta sapraŭdy rabočy varyjant skafandra, jaki byŭ pravierany pad padvojnym vakuumnym ciskam, a nie makiet.
«Pry raspracoŭcy było niejmavierna składana zbałansavać źniešni vyhlad kaściuma i jaho funkcyjanavańnie», — napisaŭ Mask.
SpaceX viadzie raspracoŭku ŭłasnaha skafandra z 2015 hoda. Mask staviŭ pierad svaimi technikami zadaču zrabić skafandr, jaki b vyhladaŭ sučasna i pry hetym byŭ vielmi nadziejnym.