Na kvateru Labiedźki nakłali aryšt
Lideru AHP Anatolu Labiedźku pryjšło paviedamleńnie pra heta z Centralnaha sudu stalicy. Padstava — nibyta niaspałočany štraf za «Eŭrapiejski marš». Pikantnaść u tym, što staršynia Centralnaha sudu Mikałaj Samasiejka idzie supiernikam Labiedźka na vybarach pa Staravilenskaj akruzie.
Try dni nazad u paštovuju skrynku lidera AHP Anatola Labiedźki pryjšło paviedamleńnie z Centralnaha sudu Miensku pra nakładzieny aryšt na jahonuju kvateru. Padstava — nibyta niaspałočany štraf za «Eŭrapiejski marš» 14 kastryčnika. Paviedamleńnie datujecca 6 žniŭnia, u toj samy dzień Labiedźku paviedamili paŭtorna pra niemahčymaść vyjezdu z krainy.
«U mianie jość na rukach kopija kvitancyj, što toj štraf byŭ spłočany. Nijakich zapazyčanaściaŭ pierad dziaržavaj u mianie niama. Telefanavaŭ Viačorku, Ivaškieviču, u ich nijakich prablem. Ni vyjezd ź Biełarusi im nie zabaranili, majomaść taksama nie aryštoŭvali. Tolki suprać mianie takija miery», — kaža A. Labiedźka.
Palityk nie vyklučaje, što heta incydent moža być źviazany z tym, što jahonym supiernikam na parlamenckich vybary pa Staravilenskaj akruzie źjaŭlajecca staršynia Centralnaha sudu Mikałajem Samasiejkam.«Čamuści mnie zdajecca, što heta nia jość vypadkovaściu. Mahčyma, što heta niejki novy biełaruski metad baraćby z palityčnymi kankurentami. Zamiest taho, kab zajmacca ahitacyjaj, ja budu vyrašać kvaternaje pytańnie. Siońnia ŭ Samasiejki sustreča z vybarcami. Schadžu pasłuchaju. Pastarajusia zadać pytańnie i pra maju kvateru», — kaža staršynia AHP.