Na zierniesušyłcy ŭ Haradockim rajonie zahinuŭ 27-hadovy rabočy
Na zierniesušylnym kompleksie Haradockaj ptuškafabryki zahinuŭ małady rabočy. Rajadździeł SK pravodzić pravierku pa hetym fakcie.
— Ustanoŭlena, što paśla 7-j ranicy 25 vieraśnia na zierniesušylnym kompleksie AAT «Ptuškafabryka «Haradok» atrymaŭ śmiarotnyja traŭmy 27-hadovy rabočy. Jaho vopratku namatała na vał miechanizmu vyhruzki suchoha zbožža, — paviedamiła TUT.BY aficyjny pradstaŭnik USK pa Viciebskaj vobłaści Śviatłana Sacharava.
Śledčyja ahledzieli miesca zdareńnia, pryznačyli sudmiedekśpiertyzu, kab vyznačyć stupień ciažkaści cialesnych paškodžańniaŭ, a taksama toje, ci znachodziŭsia małady čałaviek u ałkaholnym apjanieńni. Akramia taho, na zierniesušylnym kompleksie apytali rabotnikaŭ, kanfiskavali dakumientacyju.