Deep Purple pryjeduć u Biełaruś z raźvitalnym turam
4 červienia ŭ Minsku adbudziecca kancert lehiendarnaj hrupy Deep Purple. Muzyki vystupiać u «Čyžoŭka-Arenie» ŭ ramkach suśvietnaha «The Long Goodbye Tour», pryśviečanaha 50-hodździu hurta.
Adzin z samych upłyvovych kalektyvaŭ u historyi rok-muzyki pryviazie ŭ Minsk najlepšyja pieśni i novy albom «Infinite» (2017). Na scenu vyjduć Ien Hiłan (vakał), Rodžer Hłover (bas-hitara), Ien Pejs (udarnyja), Styŭ Mors (hitara) i Don Ejri (kłavišnyja).
Maštabnaje turne «The Long Goodbye» pačałosia ŭ traŭni 2017. Muzyki kažuć, što na hetym historyja hurta moža nie skončycca — mahčymyja novyja zapisy. Ale pryznajucca, što ŭzrost biare svajo. «Heta apošni vialiki suśvietny tur», -— skazaŭ Ien Pejs u intervju partału Rock Antenne.
Košt biletaŭ: ad 55 da 130 rubloŭ.