«Kali hetaje śviatkavańnie nieabchodna hramadstvu, to budziem razam»: Kačanava vykazałasia pra 100-hodździe BNR
Žurnalist «Našaj Nivy» pahavaryŭ z kiraŭnikom Administracyi prezidenta Natallaj Kačanavaj, jakaja šmat u čym vyznačaje ideałahičnuju palityku ŭ krainie.
Natalla Kačanava z Alaksandram Radźkovym.
«Jak vy staviciesia da idej, jakija isnujuć u hramadstvie, adśviatkavać 100-hodździe abviaščeńnia BNR jaskrava i na dziaržaŭnym uzroŭni?», — spytalisia my.
«Takija idei hučać, my taksama padklučajemsia da hetych pytańniaŭ. Ale ŭsio pavinna być cyvilizavana: kali ludziej zaklikajuć vychodzić na niejkija mitynhi, heta niapravilna. A kali hetaje śviatkavańnie nieabchodna hramadstvu, to, značyć, budziem razam, sumiesnymi dziejańniami i płanami realizoŭvać usio heta. Jak vyznačacca ludzi, jakim heta nieabchodna, tak i budzie», — skazała jana.