ŚMI daviedalisia ab mahčymym atručvańni špijona Skrypala fientaniłam
devonlive.com
Brytanskija ŚMI ahučyli papiarednija viersii ab tym, jakim rečyvam atrucilisia były rasijski raźviedčyk Siarhiej Skrypal i žančyna, što znachodziłasia ź im. Ich znajšli ŭ ciažkim stanie la handlovaha centra ŭ Sołśbiery ŭ paniadziełak.
Pavodle infarmacyi miascovaha vydańnia Devon Online, Skrypal i jaho spadarožnica, jak miarkujecca, atrucilisia fientaniłam. Heta sintetyčny apijat, jaki vykarystoŭvajecca ŭ miedycynie dla abiazbolvańnia i anastezii. Pavodle infarmacyi The Sun, žančynaj mahła być dačka Skrypala.
Vydańnie śćviardžaje, što ŭ vyniku incydentu paciarpieli da dziesiaci čałaviek. Guardian taksama adznačaje, što pryčynaj atručvańnia moh być fientanił, jaki macniejšy za morfij u 50 razoŭ.
The Times pryvodzić anałahičnuju infarmacyju, adznačajučy, što pa dadzienych krynicy, «ciapier ličycca, što heta [atručeńnie fientaniłam] małaimavierna».