Nadrapaŭ navat niecenzurnaje słova: u Hrodnie maleńki chłopčyk paškodziŭ siem pryparkavanych aŭtamabilaŭ
Zdareńnie adbyłosia ŭ mikrarajonie Dzieviatoŭka 24 lutaha, paviedamlaje UUS Hrodzienskaha abłvykankama.
Miascovy žychar pabačyŭ, što niechta padrapaŭ jaho mašynu. Milicyja, što prybyła na miesca zdareńnia, vyjaviła jašče šeść transpartnych srodkaŭ ź identyčnymi paškodžańniami — usiaho siem mašyn. Na šaści ź ich byli namalavanyja ličby dva i dziesiać, a na adnym aŭtamabili było napisana niecenzurnaje słova.
Supracoŭniki milicyi stali apytvać žycharoŭ bližejšych damoŭ. Niekatoryja raspaviali, što bačyli dvuch niepaŭnaletnich dziaciej.
Adnaho ź niepaŭnaletnich vyklikali na razmovu razam z mamaj. Žančyna sama raspytała syna, paśla čaho jon pryznaŭsia ŭ zroblenym. Chłopčyk rastłumačyŭ, što jamu było sumna, jon znajšoŭ krejdy i vyrašyŭ nie malavać na asfalcie, jak rabiła jaho starejšaja siastra, a pamalavać na mašynie.