Ukrainski desantnik sustreŭ u Vieronie rasijskaha prapahandysta Šejnina i plunuŭ jamu ŭ tvar
Bajec Uzbrojenych sił Ukrainy Valeryj Anańjeŭ napisaŭ u tvitary, jak sustreŭ u italjanskaj Vieronie viadučaha rasijskaha Pieršaha kanała Arcioma Šejnina i plunuŭ jamu ŭ tvar.
Šejnin (źleva) — viadučy samaj adyjoznaj prahramy rasijskaha telebačańnia «Čas pakaža», jakaja idzie ŭ prajm-tajm. U Biełarusi jana tranślujecca apoŭnačy.
«Ja tolki što ledź nie zabiŭ hetu istotu ŭ centry Vierony. Upeŭnieny, jon mianie zapomnić. I spadziajusia, što los nas jašče źviadzie ŭ biaźludnym miescy», — paviedamiŭ desantnik Anańjeŭ.
Jon zaŭvažyŭ, jak televiadučy zajšoŭ razam z žonkaj u apteku, i adpraviŭsia śledam.
Ukrainiec spytaŭ: «Vy rasijski žurnalist?».
Toj paćvierdziŭ.
«S*ka, byli b my ŭ inšym miescy, ja b tabie, p*dle, vočy vycisnuŭ», — skazaŭ vajskoviec jamu ŭ adkaz.
Anańjeŭ śćviardžaje, što razmaŭlaŭ z Šejninym spakojna, tady jak toj pastajanna niešta kryčaŭ.
«Ja raz 20 jamu skazaŭ, što chaču jaho zabić, a paśla dvojčy plunuŭ u tvar», — uzhadaŭ desantnik.
Šejnin sprabavaŭ supakoić ukrainca, kažučy: «My ž u Vieronie, u centry Jeŭropy. Navošta heta ahresija?»
Arciom Šejnin.
Valeryj Anańjeŭ