Adrazu try naviny, jakija stali hałoŭnymi ŭ kramie AppStore, datyčacca raspracoŭščykaŭ ź Biełarusi
Biełaruski prahramist Juryj Mielničak zaŭvažyŭ, što 8 sakavika ŭ kramie dla mabilnych pryładaŭ kampanii Apple adrazu try «historyi» — štodzionnyja naviny pra najbolš cikavyja dadatki i kampanii-raspracoŭščyki — datyčylisia Biełarusi.
Pra heta jon napisaŭ na svajoj staroncy ŭ «Fejsbuku». Havorka idzie pra raździeł AppStore dla karystalnikaŭ z Rasii.
U navinach pradstaŭlenyja «Hulnia dnia» i «Dadatak dnia». Pry hetym adna z navinaŭ (na malunku vyšej — siaredniaja) taksama trapiła i ŭ suśvietny Top. Jana raspaviadaje pra kampaniju Tribage, jakaja zajmajecca raspracoŭkaj dziciačych mabilnych dadatkaŭ dla vyvučeńnia karennych movaŭ Afryki.