Nievierahodna: robat sabraŭ kubik Rubika za 0,38 siekundy VIDEA
Amierykanskija inžyniery stvaryli robata, jaki zmoh sabrać kubik Rubika ŭsiaho za 0,38 siekundy. Papiaredni rekord bolš za hod utrymlivaŭ inšy robat pad nazvaj Sub1 Reloaded — jahony pakazčyk skłaŭ 0,64 siekundy.
Robat-rekardsmien byŭ stvorany aśpirantam z Masačusieckaha technałahičnaha instytuta Benam Katcam, jaki zajmajecca daśledavańniami ŭ halinie robatatechniki, sumiesna z raspracoŭščykam prahramnaha zabieśpiačeńnia Džaredam Dzi Karła.
Robat vykarystoŭvaje kamieru, jakaja pieradaje zdymki bakoŭ kubika na kampjutar. Toj vyznačaje rasstanoŭku detalaŭ hałavałomki, a zatym adpraŭlaje źviestki śpiecyjalnamu ałharytmu, jaki za doli siekundy vyličaje aptymalnaje rašeńnie zadačy, robat atrymlivaje kamandu i pieramiaščaje elemienty patrebnym čynam.
Na videa praces pakazany ŭ aryhinalnaj chutkaści, a taksama z roznym zapavolvańniem.