Tramp adpraviŭ u adstaŭku kiraŭnika Dziarždepartamienta Reksa Tylersana

Upieršyniu dyrektaram CRU stanie žančyna.

Carolyn Kaster, AP

Prezident ZŠA Donald Tramp zvolniŭ Reksa Tylersana z pasady Dziaržsakratara ZŠA. Pra heta Tramp paviedamiŭ u svaim Twitter.

«Majk Pampiea, dyrektar CRU, stanie našym novym dziaržsakratarom. Jon zrobić fantastyčnuju pracu! Dziakuj Reksu Tylersanu za jaho słužbu! Džyna Chaśpieł stanie novym dyrektaram CRU i pieršaj žančynaj na hetaj pasadzie. Vinšuju ŭsich!», — napisaŭ Tramp.

Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!

— Donald J. Trump (@realDonaldTrump) 13 marta 2018 h.

Raniej amierykanskija ŚMI paviedamlali pra supiarečnaści pamiž Trampam i Tylersanam. Sam dziaržsakratar zapeŭnivaŭ, što ŭ jaho narmalnyja adnosiny z prezidentam.

Za niekalki hadzin da adstaŭki Tylersan zajaviŭ pra salidarnaść ź Vialikabrytanijaj pa pytańni ab atručeńni ŭ anhlijskaj Sołśbiery byłoha pałkoŭnika HRU Siarhieja Skrypala i jaho dački.

Kamientary da artykuła