Dadatak YouTube dla smartfonaŭ aficyjna atrymaŭ doŭhačakanuju ciomnuju temu
Mabilny dadatak YouTube aficyjna atrymaŭ ciomnuju temu, jakuju ciapier možna ŭklučać u naładach. Pakul jana pracuje tolki na iOS, ale chutka takaja mahčymaść źjavicca i ŭ Android-viersii.
YouTube testavała ciomnuju temu dla iOS-dadatku sa studzienia. Jana vykarystoŭvaje čornyja i ciomnyja adcieńni šeraha, kab palehčyć karystalniku prahlad videa ŭ načny čas.
Dla ŭklučeńnia načnoj temy nieabchodna, kab dadatak byŭ abnoŭleny da viersii 13.01.4. Ustalavaŭšy abnaŭleńnie, adkryjcie ŭkładku profilu ŭ pravym vierchnim kucie, pierajdzicie ŭ mieniu «Nałady» i adšukajcie patrebny punkt u raździele YouTube.
Niahledziačy na toje, što nieabchodnyja źmieny ŭžo nabyli moc na siervierach kampanii, ciomnaja tema raspaŭsiudžvajecca siarod karystalnikaŭ pastupova. Tamu niama ničoha niezvyčajnaha ŭ tym, što novaŭviadzieńnie ŭsio jašče niedastupna vam. Vierahodna, jano źjavicca ŭ bližejšyja niekalki dzion.
Prahlad śvietłaha kantentu na ciomnym fonie, jak ličycca, mienš škodny dla zdaroŭja vačej.