Donald Tramp abviaściŭ ab stvareńni ŭ ZŠA kaśmičnych vojskaŭ i rekordnych z časoŭ Rejhana vydatkach na abaronu
Prezident ZŠA Donald Tramp abviaściŭ ab stvareńni ŭ krainie novaha rodu vojskaŭ — kaśmičnych. Inicyjatyva była ahučana padčas vystupu pierad vajskoŭcami Korpusa marskoj piachoty ŭ Kalifornii. Tramp acharaktaryzavaŭ padzieju jak «hrandyjoznuju», paviedamlaje Fox News.
Svoj vystup prezident ZŠA pačaŭ z pachvały amierykanskich vajskoŭcaŭ i ich siemjaŭ. Jon ad imia naroda vykazaŭ padtrymku i skazaŭ, što chutka im značna padvysiać zarpłatu.
«[Raniej] ja kazaŭ, što nam, mahčyma, patrebny novy rod vojskaŭ, ale ja nie byŭ absalutna surjozny, — skazaŭ Tramp. — Ale ciapier ja liču heta vydatnaj idejaj. My stvarajem kaśmičnyja vojski. Heta hrandyjozna».
Jon nazvaŭ nastupnaje naroščvańnie finansavańnia vajennaje śfiery samym vialikim z časoŭ Ronalda Rejhana i adnym z samych bujnych za ŭsiu historyju ZŠA. Pa słovach prezidenta, mierkavany vajenny biudžet na 2019 hod składzie 716 miljardaŭ dalaraŭ.