Rasija choča zabaranić jašče adzin pradukt ź Biełarusi
Raśsielhasnahlad moža abmiežavać pastaŭki pamidoraŭ ź Biełarusi z-za surjoznaha pavieličeńnia abjomu pastavak «sankcyjnaj» pradukcyi. Pa vynikach 2017 hoda Biełaruś uvachodzić u lik najbujniejšych pastaŭščykoŭ tamataŭ u Rasiju, paviedamlaje RBK.
Kančatkovaje rašeńnie słužba moža pryniać u pačatku nastupnaha tydnia, paviedamiła ŭ sieradu, 14 sakavika, žurnalistam aficyjny pradstaŭnik słužby Julija Miełana.
Z 7 pa 13 sakavika Raśsielhasnahlad i FMS zatrymali na rasijska-biełaruskaj miažy 12 mašyn z tamatami, zabaronienymi da pastavak u Rasiju. Štotydzień na hetym učastku miažy zatrymlivajecca siem-vosiem mašyn z harodninaj i sadavinaj, zabaronienaj da ŭvozu ŭ Rasiju, dadała Miełana. Jana adznačyła, što Raśsielhasnahlad zaklikaŭ biełaruski bok uzmacnić kantrol za raślinnaj pradukcyjaj, jakaja pastaŭlajecca i traplaje pad uviedzienaje Rasijaj charčovaje embarha.