Zajava pravaabroncaŭ na adras pasolstva Niamieččyny
Ambasada FRH biez tłumačeńnia pryčynaŭ admoviła ŭ vydačy šenhienskich vizaŭ pravaabaroncam i žurnalistam Uładzimieru Łabkoviču, Alenie Łapcionak i Siarhieju Sysu.
Na sajcie pravaabaroncaŭ z arhanizacyi «Viasna» źjaviłasia nastupnaja zajava:«14 kastryčnika Ambasada Federatyŭnaj Respubliki Hiermanii biez tłumačeńnia pryčynaŭ admoviła ŭ vydačy šenhienskich vizaŭ pravaabaroncam i žurnalistam Uładzimieru Łabkoviču, Alenie Łapcionak i Siarhieju Sysu.
Biełaruskija pravaabaroncy spadziajucca, što hetaja niedarečnaść nie źjaŭlajecca tendencyjaj i budzie nieadkładna vypraŭlenaja z boku rabotnikaŭ ambasady Niamieččyny. Pakolki tendencyja naładžvańnia stasunkaŭ jeŭrapiejskich, i ŭ tym liku niamieckich, dziaržaŭnych instytutaŭ ź biełaruskimi ŭładami maje ŭzajemny charaktar, to vidavočna, što padobnyja dziejańni ambasady Hiermanii ŭ Biełarusi nikolki nie spryjajuć raźvićciu hramadzianskaj supolnaści ŭ Biełarusi i nie stasujucca z zajavami lideraŭ krain Jeŭrasajuza ab usiebakovym spryjańni i ŭchvaleńni dziejnaści pravaabaroncaŭ ŭ Biełarusi».