Piatro Parašenka: Pracoŭnaja mihracyja — narmalny praces, jaki prachodzili krainy-susiedzi
a vy zhodny?
Prezident Ukrainy Piatro Parašenka ličyć, što pracoŭnaja mihracyja z Ukrainy źjaŭlajecca narmalnym pracesam intehracyi krainy ŭ jeŭrapiejski rynak pracy, jaki prachodzili krainy-susiedzi, paviedamlaje NV Biźnies.
Pra heta jon zajaviŭ na naradzie pa pytańniach decentralizacyi ŭ Vińnicy.
«Padpisańnie Pahadnieńnia ab asacyjacyi ź ES praduhledžvaje svabodny ruch kapitałaŭ, pasłuh, tavaraŭ, pracoŭnaj siły. Ukraina stanovicca častkaj jeŭrapiejskaha rynku pracy… Heta narmalny praces, inšyja krainy heta prachodzili», — skazaŭ prezident Ukrainy.
Parašenka taksama adznačyŭ, što ŭkrainskija pracadaŭcy čaściej skardziacca na niedachop pracoŭnaj siły. «Užo niama prablemy biespracoŭja, jość prablema dakładna naadvarot. Zrazumieła, što heta siaredniaja tempieratura pa pałacie — dzieści ludziam niama dzie pracavać, a dzieści na kvalifikavanuju pracoŭnuju siłu palujuć rekrutary, u tym liku i zamiežnyja», — dadaŭ jon.