Novy kiraŭnik BRSM — uradženiec Taškienta, jaki žyvie z žonkaj i synam u internacie
Jak stała viadoma «Našaj Nivie», ciaham 43-ha źjezda BRSM vyznačana kandydatura pierajemnika Andreja Bielakova na pasadzie pieršaha sakratara arhanizacyi.
Čytajcie: Siońnia źmienicca viarchuška BRSM: Bielakova i kampaniju za pravały ŭ rabocie adpraŭlajuć u nikudy
Novy kiraŭnik BRSM — 31-hadovy Dźmitryj Varaniuk, jaki dahetul uznačalvaŭ Minski abłasny kamitet arhanizacyi.
Dźmitryj Varaniuk, fota z sacsietak
Što jašče pra jaho viadoma?
Naradziŭsia Varaniuk va ŭźbiekskim Taškiencie, ale hadavaŭsia ŭ Mahilovie, hadoŭ z 10 tamu straciŭ baćku.
Vučyŭsia ŭ Mahiloŭskim univiersitecie imia Kulašova na hieohrafa, potym pastupiŭ u Akademiju kiravańnia.
U BRSM Varaniuk ad 2010 hoda.
Karjeru pačaŭ z kiravańnia adździaleńniem arhanizacyi ŭ MDU imia Kulašova, potym uznačalvaŭ Leninski rajonny kamitet BRSM u Mahilovie, potym Mahiloŭski abłasny kamitet BRSM, adkul pierajšoŭ u CK BRSM, potym — u Minski abłasny kamitet.
Viadoma, što ŭ Varaniuka jość žonka i mały syn, siamja žyvie ŭ internacie.
Staronka Varaniuka UKantakcie vydaje ŭ im fanata turynskaha «Juvientusa».