Siońnia źmienicca viarchuška BRSM: Bielakova i kampaniju za pravały ŭ rabocie adpraŭlajuć u nikudy
Siońnia ŭ Minsku projdzie źjezd Biełaruskaha respublikanskaha sajuza moładzi. Što na im adbudziecca?
Jak viadoma «Našaj Nivie», u adstaŭku buduć adpraŭleny šerah kiraŭnikoŭ BRSM na čale ź ciapierašnim pieršym sakratarom Andrejem Bielakovym.
Ludzi z kamandy Bielakova paviedamili nam, što ich adpraŭlajuć, faktyčna, «u nikudy» — novych pasad, jak heta tradycyjna robicca pry ratacyi čynoŭnikaŭ, nie prapanavana.
Z čym źviazanaja adstaŭka?
Viadoma, što z prychodam Natalli Kačanavaj na pasadu kiraŭnika Administracyi prezidenta ŭ 2016 hodzie BRSM zaznaŭ maštabnyja pravierki pa linii Dziaržkantrolu i prakuratury.
Byli vyjaŭleny drobnyja parušeńni, ale vialikaj karupcyi nie znajšli. Ale sprava, maŭlaŭ, nie ŭ hetym.
U Administracyi Bielakova ŭsprymajuć jak čałavieka, što nie zdoleŭ dobrym čynam arhanizavać rabotu z moładździu i nie mieŭ uciamnaha bačańnia, jak heta možna zrabić.
Andrej Bielakoŭ uznačalvaŭ BRSM z 2015 hoda, ciapier jamu 42 hady. Adnačasova jon źjaŭlajecca členam Savieta Respubliki.
Proźvišča novaha kiraŭnika arhanizacyi pakul nieviadoma, možna mierkavać, što im stanie chtości z maładych.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary