«My vyrašyli pakinuć minułaje zzadu»: Tramp i Kim Čen Yn padpisali dakumient pa vynikach samita ŭ Sinhapury
CNN
Lidary ZŠA i KNDR pa vynikach sustrečy ŭ Sinhapury padpisali sumiesnuju dekłaracyju. Kim Čen Yn i Donald Tramp padziakavali adzin adnamu za praviedzienyja pieramovy, pieradaje CNN.
«U nas była histaryčnaja sustreča i my vyrašyli pakinuć minułaje zzadu. My źbirajemsia padpisać histaryčny dakumient», — skazaŭ žurnalistam Tramp na cyrymonii padpisańnia.
Dakładny źmiest dakumienta pakul nieviadomy, adnak pa dadzienych telekanała CNN, jaki spasyłajecca na krynicu ŭ amierykanskaj delehacyi, jon pradstaŭlaje saboj dekłaracyju ab pryznańni dasiahnutaha prahresu na pieramovach i praciahu dyjałohu bakoŭ.
Adrazu paśla padpisańnia dekłaracyi Donald Tramp paabiacaŭ zaprasić lidera KNDR na novuju sustreču ŭ Bieły dom. «Niesumnienna, ja budu heta rabić», — zajaviŭ jon.