Heta pieršy ŭ historyi samit kiraŭnikoŭ ZŠA i KNDR. «Dobra, vielmi dobra», — prakamientavaŭ sustreču Tramp.
Na sinhapurskim vostravie Sientosa adbyłasia sustreča prezidenta ZŠA Donalda Trampa i lidara KNDR Kim Čen Yna. Pry sustrečy abodva lidary pacisnuli adzin adnamu ruki, pierakinuŭšysia niekalkimi słovami.
«Dla mianie heta honar. Upeŭnieny, što ŭ nas składucca vydatnyja adnosiny», — skazaŭ Tramp. Kim Čen Yn u svaju čarhu adznačyŭ, što «było nialohka trapić siudy», i što «byli pieraškody», jakija «ŭdałosia pieraadoleć, kab siudy pryjechać».
Pieršapačatkova, jak i płanavałasia, u lidaraŭ ZŠA i KNDR prajšła dvuchbakovaja sustreča, jakaja doŭžyłasia kala 40 chvilin. Na joj akramia samich lidaraŭ prysutničali tolki pierakładčyki. Paśla jaje zakančeńnia Tramp zajaviŭ, što sustreča «sam-nasam» z Kim Čen Ynam była «vielmi-vielmi dobraj» i što ŭ ich «vydatnyja adnosiny», paviedamlaje AP. Usiaho sustreča tet-a-tet praciahvałasia 35 chvilin.
Zatym pieramovy pradoŭžylisia ŭ pašyranym farmacie. Na ich adviedziena było jašče paŭtary hadziny. Na sustrečy ŭ pašyranym składzie prysutničali ad amierykanskaha boku dziaržsakratar Majkł Pampiea, kiraŭnik aparata Biełaha doma Džon Keli i pamočnik amierykanskaha prezidenta pa nacyjanalnaj biaśpiecy Džon Bołtan.
U toj čas, jak amierykanski lidar vychodziŭ z pakoja, dzie jon vioŭ pieramovy z Kimam, jon skazaŭ žurnalistam: «Vielmi, vielmi dobra». Z bałkona hatela Capella Hotel Tramp zajaviŭ: «Vydatnyja adnosiny». Taksama telekanał adznačaje, što pierad nastupnym raŭndam pieramovaŭ Tramp i Kim Čen Yn prajšlisia vakoł hatela razam.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary