Viarchoŭny sud pakinuŭ u sile prysud publicystam «Rehnuma»
14 červienia Viarchoŭny sud vynies rašeńnie pa apielacyjnaj skarzie Juryja Paŭłaŭca, Dźmitryja Alimkina i Siarhieja Šypcienki. Skarha zastałasia biez zadavalnieńnia, a prysud — piać hadoŭ pazbaŭleńnia voli z adterminoŭkaj na try hady - u sile.
- Prysud pakinuć bieź źmienaŭ, apielacyjnuju skarhu biez zadavalnieńnia, - začytaŭ rašeńnie suda staršynia na pracesie sudździa Viarchoŭnaha suda Uładzimir Davydaŭ.
Padčas pieršaha pasiadžeńnia ŭ Viarchoŭnym sudzie 12 červienia asudžanyja prasili admianić prysud i ŭsie abvinavačvańni ź ich źniać. Skarhu razhladali troje sudździaŭ Viarchoŭnaha suda.
Prakuror Andrej Savanovič padčas svajho vystupu paprasiŭ sud pakinuć prysud bieź źmienaŭ, a apielacyjnuju skarhu biez zadavalnieńnia.