CT pa biełaruskaj movie na 100 bałaŭ napisaŭ 21 čałaviek
U vychodnyja stali viadomyja vyniki centralizavanaha testavańnia pa biełaruskaj movie. Maksimalnyja sto bałaŭ nabraŭ 21 abituryjent, piša Tut.by.
Usiaho, jak paviedamlali ŭ Respublikanskim instytucie kantrolu viedaŭ, test pa biełaruskaj movie hetym letam pisała kala 24 tysiač čałaviek. Troje ź ich atrymali nul bałaŭ.
— Siaredni bał usich, chto zdavaŭ biełaruskuju movu, amal 36 bałaŭ, — raspaviadaje Juryj Miksiuk, dyrektar RIKV.
Pa słovach kiraŭnika Respublikanskaha instytuta kantrolu viedaŭ, vyniki CT pa ruskaj movie, chutčej za ŭsio, buduć hatovyja ŭžo ŭ aŭtorak.