1/8 finału Kubku Biełarusi: «Šachcior» prymie bresckaje «Dynama», BATE zhulaje z «Haradziejaj», staličnaje «Dynama» - z «Minskam»
U 1/8 finału Kubku Biełarusi pa futbole «Šachcior» prymie bresckaje «Dynama», BATE zhulaje z «Haradziejaj», staličnaje «Dynama» - z «Minskam»
U paniadziełak, 30 lipienia, u Domie futboła prajšło losavańnie 1/8 finału Kubka Biełarusi siezona 2018/2019, piša BiełTA.
Centralnym matčam hetaj stadyi stanie supraćstajańnie letašnich finalistaŭ hetaha turniru, bresckaha «Dynama» i salihorskaha «Šachciora». Nahadajem, bieraściejcy zavajoŭvali Kubak krainy dva apošnija siezony.
Inšyja pary 1/8 finału vyhladajuć tak (haspadary pajadynkaŭ paznačany pieršymi):
«Dynama» (Minsk) - «Minsk»;
«Łakamatyŭ» (Homiel) - «Smalavičy»;
«Homiel» - «Isłač» (Minski rajon);
«Viciebsk» - «Tarpieda-BiełAZ» (Žodzina);
BATE (Barysaŭ) - «Haradzieja»;
«Słavija» (Mazyr) - «Biełšyna» (Babrujsk);
«Tarpieda» (Minsk) - «Słuck».
Pieramožcy na hetym etapie turniru buduć vyznačanyja pa vynikach adnaho matču. Hulni 1/8 finału adbuducca 11 i 12 žniŭnia.