Prakuror nazvaŭ pryčynu abrušeńnia mosta ŭ Hienui
Abrušeńnie aŭtamabilnaha mosta ŭ Hienui adbyłosia z-za čałaviečaj pamyłki, razmovy pra vypadkovaść niama, zajaviŭ prakuror italjanskaha horada Frančeska Koccy, piša ria.ru.
Pavodle jaho słoŭ, prakuratury, jakaja adkryła spravu, treba budzie sabrać dakumienty i pakazańni, jakija adnosiacca da budaŭnictva mosta i rabot pa jaho absłuhoŭvańni.
«My pavinny adkazać na adno-adzinaje pytańnie: čamu heta zdaryłasia? Heta naša zadača, dziela jaje my zrobim usio nieabchodnaje», — dadaŭ jon.
Pry hetym ministr ekanamičnaha raźvićcia Italii, vice-premjer Łuidžy Dzi Majo ŭskłaŭ usiu adkaznaść za abvalvańnie mosta na kampaniju Autostrade per l'Italia, jakaja zajmajecca kiravańniem i ŭtrymańniem aŭtadaroh krainy. Pavodle jaho słoŭ, ministerstva ŭžo pačało praceduru skasavańnia kancesijnych pahadnieńniaŭ z Autostrade per l'Italia.