Časopis Time pradali druhi raz za hod
Amierykanski miedyjachołdynh Meredith Corp. pradaŭ časopis Time biznesmienu Marku Benijofu i jaho žoncy Lin za 190 miljonaŭ dalaraŭ najaŭnymi. Ździełka budzie začyniena na praciahu 30 dzion, paviedamiła hazieta The Wall Street Journal.
Benijof i jaho žonka kupili časopis jak pryvatnyja asoby. Ździełka nie źviazanaja z kampanijaj Salesforce.com Inc., jakaja naležyć Benijofu. Para razhladaje kuplu Time jak siamiejnaje kapitałaŭkładańnie, skazaŭ CNN hałoŭny redaktar Time Edvard Fiełsiental.
Mark i Lin Benijof nie stanuć umiešvacca ŭ redakcyjnuju palityku Time, hetym budzie zajmacca ciapierašniaja kamanda časopisa, piša Reuters sa spasyłkaj na zajavu Meredith.
Meredith płanuje nakiravać atrymanyja ad prodažu hrošy na pahašeńnie zapazyčanaściaŭ.