Aślapiła sonca: dziaŭčyna vyjechała na sustrečnuju, dzie sutyknułasia ź inšym aŭto, u jakim mama zahinuła, a baćka i syn u balnicy FOTA
Fota DAi Hrodna
Avaryja sa śmiarotnym vynikam adbyłasia 17 vieraśnia na Voranaŭščynie. U avaryju trapili aŭtamabili haradziencaŭ, paviedamlaje DAI Hrodna.
Dziaŭčyna na «Maździe» ruchałasia ź vioski Zabałać u kirunku Hrodna. Vyjechała na druhuju pałovu prajeznaj častki i dalej na abočynu. Kiroŭca «Reno», kab paźbiehnuć sutyknieńnia, sprabavaŭ abjechać sustrečny aŭtamabil pa svajoj abočynie, ale z hetaha ničoha nie vyjšła.
Žonku, što siadzieła na zadnim siadzieńni, i piacihadovaha syna, jaki byŭ u bustery, źmiaścili ŭ reanimacyjnaje adździaleńnie balnicy. Praź dźvie hadziny žančyna pamierła. Muž źmieščany ŭ chirurhičnaje adździaleńnie.
Dziaŭčyna-kiroŭca «Mazdy» skazała, što jaje aślapiła sonca.