U Asanža mohuć zabrać kata, kali jon nie stanie prybirać za žyviołaj FOTA
Fota z ułasnaha tvitara kata
Suzasnavalnik WikiLeaks Džulijan Asanž atrymaŭ śpis praviłaŭ pražyvańnia ŭ pasolstvie Ekvadora ŭ Łondanie (na terytoryi pasolstva jon žyvie ad 2012 hoda). Siarod pradpisańniaŭ — prybirać za saboj vanny pakoj i lepš hladzieć kata.
Kali Asanž nie prysłuchajecca da rekamiendacyj, kata mohuć zabrać i źmiaścić u prytułak.
U pryvatnaści, suzasnavalnika WikiLeaks paprasili sačyć za «dabrabytam, charčavańniem i hihijenaj» kata.
Ekvadorskaje pasolstva taksama zhadziłasia častkova adnavić Asanžu internet, jaki ŭ jaho zabrali ŭ sakaviku paśla «ŭmiašańnia ŭ spravy inšych krain».
Kot časta hladzić z akna na žurnalistaŭ, fota shutterstock.com
Kot, jakoha Asanžu padaryli jaho dzieci, časta z akna pasolstva naziraje za žurnalistami, jakija źbirajucca zvonku.
U kata navat jość svoj akaŭnt u «Tvitary». Niajasna, što mienavita ŭ adnosinach Asanža z katom nie zadavalniała Ekvador.