SK paćvierdziŭ zatrymańni ŭ Puchavickim rajonie
Śledčym kamitetam raspačata kryminalnaja sprava ŭ dačynieńni da staršyni Puchavickaha rajvykankama, paviedamlajecca ŭ telehram-kanale viedamstva.
Hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi centralnaha aparata SK rasśledujecca kryminalnaja sprava ab złačynstvach karupcyjnaj skiravanaści ŭ dačynieńni da staršyni Puchavickaha rajonnaha vykanaŭčaha kamiteta i inšych asob.
Dadzienaja kryminalnaja sprava zaviedzienaja pa materyjałach Hałoŭnaha ŭpraŭleńnia pa baraćbie z ekanamičnymi złačynstvami MUS.
U ciapierašni čas da padazravanych užyta miera strymańnia ŭ vyhladzie zaklučeńnia pad vartu.
Śledčyja sumiesna z supracoŭnikami milicyi pravodziać kompleks apieratyŭnych mierapryjemstvaŭ i śledčych dziejańniaŭ, nakiravanych na ŭstalavańnie ŭsich abstavinaŭ supraćpraŭnaj dziejnaści fihurantaŭ kryminalnaj spravy.