Na Dziady restaran u Kurapatach nie budzie pracavać pa «techničnych pryčynach»
28 kastryčnika, u niadzielu, restaran «Pajedziem pajadzim», što znachodzicca kala ŭročyšča Kurapaty, pracavać nie budzie «pa techničnych pryčynach». Pra heta paviedamiŭ u svaim fejsbuku Pavieł Sieviaryniec.
U niadzielu ŭ Kurapatach adbudziecca tradycyjnaja akcyja pamiaci na Dziady. Jaje ŭdzielniki projduć ad st. mietro «Park Čaluskincaŭ» da ŭročyšča, kab ušanavać pamiać rasstralanych stalinistami.
Taksama nahadajem, što kala ŭvachodu ŭ restaran ad kanca maja ładziacca pikiety pratestu. Ich udzielniki patrabujuć začynić «restaran na kostkach».