Źmianić śviet, atrymać iPhone Xs i pajechać na TEDx u Aŭstryju — čakajuć zajaŭki na konkurs dla staršakłaśnikaŭ
U Biełarusi idzie konkurs velcom YOUTH dla vučniaŭ 10-ch i 11-ch kłasaŭ, jakija chočuć źmianić śviet da lepšaha. Absalutna kožny biełaruski staršakłaśnik maje mahčymaść atrymać usie nieabchodnyja viedy, kab zrabić svaju ideju, svaju maru realnaściu.
Tyja ŭdzielniki, čyje realizavanyja prajekty pryznajuć najcikaviejšymi, vystupiać na TEDxYouth@Minsk i atrymajuć iPhone Xs. A hałoŭnyja pieramožcy pajeduć na TEDx u Aŭstryju.
Admietnaść prajekta velcom YOUTH: usia kamunikacyja ad padačy zajaŭki da prezientacyi prajekta ŭ finale budzie iści na biełaruskaj movie.
Jak budzie prachodzić adbor udzielnikaŭ
Padletkam nieabchodna prapanavać ideju prajekta ŭ adnym z troch napramkaŭ: technałohii, kultura abo inkluzija.
Udzielnikam daduć mahčymaść uziać udzieł u šerahu vorkšopaŭ, a paśla realizavać svaju ideju i źniać pra heta rolik, jaki i budzie aceńvać žury konkursu. 10 finalistam prapanujuć vystupić na vynikovaj kanfierencyi TEDxYouth@Minsk i prezientavać ułasny prajekt publična.
Chto i kali moža padać zajaŭku
Zajaŭku na ŭdzieł možna adpravić pa 11 listapada ŭklučna.
U zajaŭcy treba akreślić temu i abhruntavać svoj udzieł u konkursie velcom YOUTH.
Padavacca na konkurs mohuć navučency 10-ch i 11-ch kłasaŭ z usich rehijonaŭ Biełarusi.
Paśla razhladu ŭsich zajavak budzie sfarmiravany śpis udzielnikaŭ nastupnych etapaŭ prajekta.
Jakija etapy čakajuć udzielnikaŭ
Z 20 studzienia pa 20 lutaha 2019 hoda ŭdzielniki konkursu zmohuć realizavać svaju ideju: padrychtavać i pravieści niefarmalnaje adukacyjnaje mierapryjemstva: majstar-kłas, debaty abo dyskusiju pa abranaj temie svajho prajektu. Videarolik z prezientacyjaj realizavanaha prajekta i dokazam jaho značnaści i pierśpiektyŭnaści nieabchodna budzie raźmiaścić na svajoj staroncy ŭ sacyjalnych sietkach z chešteham #velcomYOUTH i dasłać spasyłku na adras info@velcom-youth.by.
Aŭtary samych značnych, sučasnych i aryhinalnych prajektaŭ patrapiać u lik 10 finalistaŭ. Jany naviedajuć TEDxMinsk 2019 i pačnuć pracavać nad prezientacyjaj svajoj idei z najlepšymi mientarami.
Vynikovyja vystupy adbuducca na TEDxYouth@Minsk u mai 2019 hoda. Usie 10 finalistaŭ atrymajuć pryzy — mabilnyja telefony iPhone Xs, a troje pieramožcaŭ (pa adnym u kožnym kirunku konkursu) buduć zaprošanyja na mierapryjemstva TEDx u Aŭstryju.
Čytajcie taksama:
Kim, Cikota, Machaniok… Viadomyja biełarusy raspaviali, što dapamahło im stać paśpiachovymi
Chto pravodzić konkurs
Sacyjalna-adukacyjny prajekt velcom YOUTH zapuściła kampanija velcom pry padtrymcy Ministerstva adukacyi Biełarusi, a taksama arhanizataraŭ kanfierencyj TEDxMinsk.
velcom płanuje padtrymku ŭdzielnikaŭ prajekta na ŭsich jaho etapach. Kampanija zładzić masavyja interaktyŭnyja anłajn-zaniatki pa temach «Mastactva prezientacyi», «Pramoŭnickaje majsterstva», «Majsterstva lidara». Sustrečy projduć na vialikaj placoŭcy z tranślacyjaj na biaspłatnym adukacyjnym kanale ličbavaha telebačańnia VOKA — VOKA YOUTH. Śpikierami vystupiać zasnavalniki paśpiachovych biełaruskich startapaŭ i prafiesijanały ŭ adpaviednych śfierach, u tym liku pradstaŭniki kampanii velcom.
«U sučasnym śviecie miežy pamiž krainami stanoviacca ŭsio bolš umoŭnymi — kali havorka idzie pra ŭzajemaadnosiny, abmien idejami, pošuk miesca atrymańnia vyšejšaj adukacyi ci pracaŭładkavańnie.
Z dapamohaj prajekta velcom YOUTH my vyrašyli prademanstravać padletkam mahčymaści dla realizacyi ich patencyjału — i adnačasova pakazać, što idei, narodžanyja ŭ Biełarusi, mohuć ź cikavaściu ŭsprymacca za jaje miežami i navat źmianiać da lepšaha śviet na hłabalnym uzroŭni», — adznačaje kiraŭnik adździeła karparatyŭnych kamunikacyj velcom Mikałaj Bredzieleŭ.
U asnovie kancepcyi prajekta velcom YOUTH — vykarystańnie sučasnych telekamunikacyjnych kanałaŭ dla interaktyŭnaha ŭzajemadziejańnia sa školnikami: mienavita ź ich dapamohaj udzielniki konkursu zmohuć naviedać anłajn-vorkšopy, prezientavać siabie i svaje idei.
«Siońnia my možam nazirać zruch akcentaŭ ad tradycyjnych formaŭ navučańnia ŭ bok interaktyŭnych mietadaŭ, ad rašeńnia ahulnaadukacyjnych zadač u bok rańniaha vyjaŭleńnia i raźvićcia prafiesijnych i hetak zvanych nadprafiesijnych navykaŭ: umieńnia vybudoŭvać kamunikacyju, pracavać u kamandzie, efiektyŭna płanavać svaju dziejnaść. Prajekt velcom YOUTH dapamoža siońniašnim školnikam znajści najbolš efiektyŭny šlach da paśpiachovaj samarealizacyi i zrabić pieršyja kroki ŭ hetym kirunku», — adznačaje dyrektar Hałoŭnaha infarmacyjna-analityčnaha centra Ministerstva adukacyi Biełarusi Pavieł Lis.
Pra TED
TED — suśvietna viadomy farmat kanfierencyj, pieršaja ź jakich adbyłasia ŭ 1984 hodzie ŭ ZŠA. Ich misija — prasoŭvańnie ŭnikalnych idej. Siarod viadomych udzielnikaŭ TED-kanfierencyj — Styŭ Džobs, Styvien Chokinh, Bił Klintan i inšyja.
TEDx — prajekt TED, jaki dazvalaje asobnym ludziam ci hrupam ludziej pravodzić niezaležnyja kanfierencyi ŭ farmacie i na ŭmovach licenzii TED.
Pieršaje mierapryjemstva ŭ farmacie TEDx u Biełarusi adbyłosia ŭ 2009 hodzie. Z taho času było praviedziena 7 łakalnych prezientacyj.