U avaryi pad Kałuhaj zahinuli troje biełarusaŭ-vachtavikoŭ, jašče šaściora ŭ balnicy
Uranicy 6 listapada ŭ Kałužskaj vobłaści Rasii adbyłasia avaryja ź vialikaj kolkaściu zahinułych.
U mikraaŭtobusie «Sitrajen» rabočyja z Homielščynie jechali ŭ Maskvu na vachtavuju pracu. Vybralisia ź viečara, i pad ranicu stomleny kiroŭca zasnuŭ. Praz sustrečnuju pałasu jon źjechaŭ u kiuviet, dzie na vysokaj chutkaści ŭrezaŭsia ŭ dreva.
Jak paviedamlaje miascovy kanał NikaTV, u vyniku avaryi na miescy zahinuli try čałavieki, jašče šaściora byli špitalizavanyja z traŭmami roznaj stupieni ciažkaści.