Česki mabilny aperatar Vodafone vyvučyŭ biełaruskuju movu
«Adbylisia daśledavańni, na padstavie jakich my abrali samyja šmatlikija mienšaści ŭ Čechii, i my dali zahad, kab na movach hetych mienšaściaŭ była pierakładziena samaja vykarystoŭvanaja infarmacyja ab abanientskich pasłuhach», — tłumačać menedžery kampanii.
Česki mabilny aperatar Vodafone bolš za dva miesiacy vykarystoŭvaje hałasavoje samaabsłuhoŭvańnie dla svaich abanientaŭ, «nahavoranaje» taksama j pa-biełarusku.
«Pa numary *77 (samaabsłuhoŭvańnie dla klijentaŭ) była vykładzienaja infarmacyja ab karystańni abanienckimi pasłuhami na šaści movach, aproč češskaj dy anhielskaj. Siarod tych movaŭ jość i biełaruskaja», - skazaŭ pradstaŭnik Vodafonie Łukaš Kropik.
«My praviali daśledavańni, na padstavie jakich my abrali samyja šmatlikija mienšaści ŭ Čechii, i my dali zahad, kab na movach hetych mienšaściaŭ była pierakładziena samaja vykarystoŭvanaja infarmacyja ab abanienckich pasłuhach», — tłumačyć jon.
Nahadajem, na Biełarusi praciahvajecca hramadzianskaja kampanija za biełarusizacyju mabilnaha apieratara MTS, arhanizujuć jakuju «Małady Front» i «Moładź BNF».