Łukašenka pra ažyjatažnuju kuplu tannych kvater u Minsku: Damovy — razarvać, kiraŭnikoŭ — u SIZA
president.gov.by
Alaksandr Łukašenka siońnia na sieminary-naradzie ab pavyšeńni efiektyŭnaści budaŭničaha kompleksu raspavioŭ pra aburalny vypadak u Minsku z kuplaj i pieraprodažam kvater, piša BiełTA.
Havorka išła pra budaŭnictva ŭ Minsku žylla pa prymalnych koštach, adnak niekatoryja ŭpeŭnivali, što ŭ hetym pytańni jość karupcyjnyja ryzyki.
«Ja nie moh zrazumieć, jak tut moža być karupcyja, kali harvykankam budzie faktyčna budavać i pradavać hetaje žyllo. Padviedamasnaje harvykankamu pradpryjemstva ŭziało na siabie abaviazacielstva z rentabielnaściu ŭ 5% pabudavać žyllo, addać jaho harvykankamu pa takoj canie, jak abiacali, … a vy (haradskija ŭłady) tam kamandujcie: chočacie — pradaścio pa rynkavym košcie, chočacie — małazabiaśpiečanych, šmatdzietnych tudy pasialicie», — raspavioŭ Alaksandr Łukašenka.
Pavodle jaho słoŭ, jon dazvoliŭ budaŭnictva pa takoj schiemie. A niadaŭna jamu paviedamili, što bolš za 60 takich kvater, pabudavanych pa canie za mietr kvadratny, ekvivalentnaj $ 650, kupili niejkija działki dla nastupnaha pieraprodažu pa bolš vysokaj rynkavaj canie. «54 ci 56 paśpieli pradać kvater. A dzie staršynia harvykankama? Pa-mojmu, u Centralnym rajonie heta było. A dzie kiraŭniki hetaha rajona?» — zadaŭ rytaryčnaje pytańnie biełaruski kiraŭnik.
«Učora mnoju było pryniata rašeńnie — usich da adzinaha ŭ śledčy izalatar, nadzieć kajdanki, razabracca z usimi i viarnuć hrošy narodu», - zajaviŭ jon.