Deputat Dziarždumy: Moža, biełarusy chočuć uźjadnacca z Rasijaj, jak krymčanie? Čamu b nie dać takoje prava?
Refierendum u Krymie ŭ 2014 hodzie prajšoŭ pad kantrolem «zialonych čałaviečkaŭ», fota Valancina Śvistunova
Pra heta deputat Dziarždumy Rasii Michaił Dziehciaroŭ zajaviŭ u intervju telekanału «Dožd́». Deputaty i sienatary RF čakali vynikaŭ pieramovaŭ Łukašenki i Pucina, i žurnalisty apytvali ich nakont biahučych pytańniaŭ, u tym liku i nakont dačynieńniaŭ Biełarusi i Rasii.
«Całkam mahčyma, što narod choča ŭźjadnańnia z Rasijaj? Čamu b nie dać takoje prava — vykazacca. Zrabić sajuznuju dziaržavu nie na pryncypach, jakija nie pracujuć 20 hadoŭ, a na inšych pryncypach. Spytać narod, jak vy chočacie žyć z Rasijaj u sajuznaj dziaržavie? Moža, narod choča ŭźjadnacca, jak krymčanie? Treba spytać biełarusaŭ. Takoje pytańnie, jakoje treba rašyć», — miarkuje Dziehciaroŭ.