Rasija prapanuje žycharam byłoha SSSR rasijskaje hramadzianstva i hiektar ziamli na Dalokim Uschodzie
Uładzimir Pucin padpisaŭ zakon, jaki daje prava atrymać u biazvypłatnaje karystańnie ziamielny ŭčastak na Dalokim Uschodzie zamiežnikam. Pretendavać na ziamielnyja ŭčastki zmohuć udzielniki dziaržaŭnaj prahramy pa akazańni sadziejničańnia dobraachvotnamu pierasialeńniu ŭ Rasiju suajčyńnikaŭ, jakija pražyvajuć za miažoj, u pieršuju čarhu z krain byłoha SSSR, u tym liku Biełarusi.
Adpaviedny zakon padpisaŭ prezident Rasii Uładzimir Pucin. Zhodna z dakumientam učastak moža pierajści va ŭłasnaść ŭdzielniku dziaržaŭnaj prahramy paśla atrymańnia hramadzianstva Rasii.
Zhodna z zakonam ab «dalokaŭschodnim hiektary» kožny hramadzianin Rasii moža adzin raz atrymać u biazvypłatnaje karystańnie ziamielny ŭčastak na Dalokim Uschodzie. Płošča ŭčastka nie moža pieravyšać 1 hiektar na čałavieka.