Biełaruś vačyma najlepšaha jeŭrapiejskaha pivavara FOTY
U Biełaruś 16 studzienia prylacieŭ datčanin Mikiel Borh Bjerhsio — heta adzin z najlepšych suśvietnych pivavaraŭ. Jon zasnavalnik viadomaha piŭnoha brenda Mikkeller.
Mikiel Borh Bjerhsio. Fota Andrea Shea/WBUR.
Mikiel pačaŭ varyć piva dla siabie ad 2003 hoda, a pracavaŭ u hety čas zvyčajnym nastaŭnikam. U 2006 hodzie jon zvaryŭ pieršaje piva na prodaž. I adrazu jahonaje piva Beer Geek Breakfast pryznali najlepšym u śviecie staŭtam za hod.
Mikiel byŭ adnym z ruchavikoŭ kraftavaj revalucyi ŭ Jeŭropie. A piva jahonaj vytvorčaści stabilna ŭvachodzić u suśvietnyja topy.
Ciapier Bjerhsio pryjechaŭ u Minsk, kab zvaryć piva sumiesna ź biełaruskim kantraktnym brovaram Midnight Project. Nie tak daŭno biełarusy ŭvajšli ŭ top-50 najlepšych brovaraŭ śvietu pa adznakach karystalnikaŭ piŭnoj sacyjalnaj sietki untappd.
Mabyć, heta i dało mahčymaść Midnight Project zvaryć sumiesnaje piva z datčanami. Heta honar i imidžavy pośpiech. Piva varyli na bazie restarana «Chops» u Kamiennaj Horcy.
Mikiel Borh vystaŭlaje ŭ svaim instahramie zdymki ź Biełarusi. Skažam ščyra, što foty nie samyja soniečnyja i viasiołyja. Ale mo datčanin ubačyć u našaj krainie nie tolki heta.