Biełarusaŭ sioleta płanujuć aštrafavać amal na 135 miljonaŭ rubloŭ
U dakumiencie pad nazvaj «Biudžet Respubliki Biełaruś dla hramadzian na 2019 hod», apublikavanym na sajcie Ministerstva finansaŭ, adznačana, što ŭ 2019 hodzie suma pastupleńniaŭ ad štrafaŭ u biudžet Biełarusi zapłanavana na ŭzroŭni 134 miljony 400 tysiač rubloŭ. Heta 4,8% u struktury niepadatkovych dachodaŭ.
Usiaho niepadatkovyja dachody biudžetu-2019 składuć 2,8 miljarda rubloŭ. Jany ŭklučajuć: dachody ad vykarystańnia majomaści, jakaja znachodzicca ŭ dziaržaŭnaj ułasnaści (60,2%), dachody ad ažyćciaŭleńnia dziejnaści, što prynosić dachody (15,7%), štrafy (4,8%); inšyja niepadatkovyja dachody (19,3%).