U Minsku mohuć stvaryć centr dla pryjomu rasijskaha školnaha ekzamienu
Rasijski centr pryjomu Adzinaha dziaržekzamienu (ADE) moža być stvorany ŭ Minsku z adnačasovym stvareńniem anałahičnaha biełaruskaha centra ŭ Maskvie, paviedamiŭ ministr navuki i vyšejšaj adukacyi Rasii Michaił Kaciukoŭ na sustrečy Pucina i Łukašenki ŭ Sočy, piša BiełTA.
«Niemałavažnym ličym dalejšuju intehracyju našych vynikovych vyprabavańniaŭ dla školnikaŭ. Prapanuju abdumać pytańnie adkryćcia ŭ Minsku centra pryjomu ADE i ŭ Maskvie centra teściravańnia. Heta možna ŭ chodzie našych bližejšych kantaktaŭ abmierkavać i, mahčyma, intehracyju dvuch hetych instytutaŭ pamiž saboj», — skazaŭ Michaił Kaciukoŭ.
Jon nahadaŭ, što biełaruskija hramadzianie siońnia mohuć pastupać praktyčna va ŭsie rasijskija ŭniviersitety na prahramy ad bakałaŭryjatu da aśpirantury.
«Ciapier u rasijskich VNU vučacca praktyčna 14 tysiač studentaŭ i aśpirantaŭ ź Biełarusi (i značnaja častka na vočnaj formie navučańnia i na biudžetnaj asnovie)», — adznačyŭ rasijski ministr.