Dziasiatki vajskoŭcaŭ źbiehli ad Madury ŭ Kałumbiju
Bolš za 60 vieniesuelskich vajskoŭcaŭ i pradstaŭnikoŭ Nacyjanalnaj hvardyi paprasili prytułku ŭ Kałumbii ŭ subotu. Pra heta paviedamiŭ kiraŭnik kałumbijskaj mihracyjnaj słužby Kryścijan Kruhier.
«Da nas užo źviarnulisia bolš za 60 čałaviek z Uzbrojenych sił i Nachvardyi Vieniesueły. Bolšaść pierajšli miažu ŭ rajonie mosta Simona Balivara», — skazaŭ jon, vystupajučy ŭ Kukucie na miažy ź Vieniesuełaj.
Pavodle Kruhiera, prašeńni ab prytułku vieniesuelskich vajskoŭcaŭ buduć razhledžany ŭ adpaviednaści sa standartnaj praceduraj.